Written by Mehmet BARDHI, on 08-07-2008 16:29

Me këtë rast dua të them edhe këtë: pikësëpari duhet parë shkaqet e çdo problemi dhe pastaj të fillojmë ta zgjidhim. Pushteti malazias i di problemet, por për fat të keq deri tash nuk ka qenë i gatshëm që t`i kuptojë dhe t`i zgjidhë!? Përse, ky është thelbi i çështjes? Konsideroj se problemet nuk mund të zgjidhen me aksione policore...

Aksionin policor, përkatësisht aksionin e pushtetit të Malit të Zi që e kryen më 09.09.2006 në Malësi, në ditën e themelimit të Lidhjes Demokratike në Mal të Zi, në 16 - vjetorin e themelimit të partisë së parë politike të shqiptarëve në Malin e Zi, një ditë para zgjedhjeve parlamentare dhe lokale në Malin e Zi, kur i tërë rajoni i Malësisë gdhiu pothuajse i bllokuar totalisht nga forcat policore të armatosura deri në dhëmbë dhe të motorizuara, një pjesë e të cilëve me maska, në të cilin aksion, sipas disa informacioneve jozyrtare, mjerisht morën pjesë edhe disa policë shqiptarë (?!), të nesërmen, mu në ditën e zgjedhjeve, e karakterizova, po citoj vetveten, aksion policor për disiplinimin e Malësisë, përkatësisht për disiplinimin e shqiptarëve.

Written by Prof.Dr.Mehdi HYSENI, on 07-07-2008 20:47

*** Edhe shqiptarët e Kosovës do të ishin për një Serbi Evropiane, por pa ivica daçiqët dhe sllavica gjukiq-dejanoviqët e SPS-it të kryekriminelit, Slobodan Milosheviq, dhe, pa tomislav nikoliqët dhe aleksandar vuçiqët e SRS-së të kriminelit Vojislav Sheshel, si dhe pa të gjithë aderuesit dhe mbështetësit e tyre direkt dhe indirekt, që janë solidarizuar, i kanë ndihmuar, dhe kanë marrë pjesë krimet e gjenocidit të Serbisë në Kroaci, në Bosnjë dhe në Kosovë.
 
*** “STRATEGJIA EVROPIANE” e  qeverisë së re serbe me në krye Mirko Cvetkoviq :” Ardhmëria evropiane dhe mosnjohja e pavarësisë së Kosovës…”(Beta, Tanjug, B92,7.07.2008).
 
Si në aspektin, politik, ashtu edhe në atë diplomatik dhe demorkatik paqësor, kjo strategji e qeverisë së re të Serbisë, do të thotë këtë kontraversë paradoksale: - Edhe kundër Kosovës së pavarur, edhe kundër BE-së, edhe kundër Shteteve të Bashkuara të Amerikës, sepse mbështetja dhe njohja e pavarësisë së Kosovës, është angazhim, kontribut dhe rezultat direkt historik, human, demokratik, paqësor dhe ligjor i Amerikës dhe i Bashkimit Evropian (BE).

Written by Rexhep Ahmeti, on 07-07-2008 19:50

ESE SOCIO-JURIDIKE

 Me nocionin ish-luftëtarë, apo veteranë të çështjes kombëtare alias të Republikës së Kosovës, nuk kuptojmë vetëm luftëtarët e luftës së fundit, asaj të UÇK-së, por më gjerë.
Veteranë të çështjes kombëtare apo veteranë të Republikës së Kosovës, si  pjesë e tërësisë së çështjes shqiptare në Ballkan, janë të gjithë ata atdhetarë, idealistë shqiptarë, dhe të kombeve tjera (në luftën e UÇK-së kemi heronj të vdekur e të gjallë edhe të kombeve tjera që vdiqën dhe jetojnë për çështjen e Kosovës dhe atë shqiptare në përgjithësi) të cilët në forma ilegale dhe legale, si më herët, ashtu edhe  prej vitit 1945 e këndej, luftuan në vazhdimësi  e përnjëmend për çështjen e Kosovës dhe për atë shqiptare në përgjithësi.